Naskapi

De Naskapi (ok Innu nömmt) sünd een Indianerstamm ut de Algonkin-Spraakgrupp in Québec, Kanada. Ehr Levensruum siet de eerste Kontakte mit de Europäers is Nunavik, Québec, un Labrador vun de Provinz Neefundland-un-Labrador. Hüüdtodag wohnen de ruch weg 700 Naskapi in Kawawachikamach, Québec. De anner Innu-Indianer wohnen in elf Dörper in Québec un in Labrador.

In de Sömmermaanten hebbt se in Telten ut Barkenrinde wohnt un in'n Winter hebbt se ehr Telten mit Karibufellen övertrucken. De Dooden hebbt se in' Winter up Gerüsten un Bööm bestatt, in'n Sömmer keem de ünner de Eer.

Dat Sellschopsystem weer patrilinear. Leven deen se meest van Fischfang, Jagd up Elk un Karibu un van Wildplanten, de se sammeln deen. De Hööftlinge van de Naskapi weern düchtig autoritär, so as seggt wurrd.